छत्तीसगढ़ महिमा रायपुर। 16 अगस्त 2022,
रायपुर म छत्तीसगढ़ राजभाषा आयोग के कार्यालय स्थापना दिवस समारोह मनाय गइस।
ए समारोह माइ पहुना अमरजीत भगत संस्कृति मंत्री छत्तीसगढ़ शासन, पगरइत डॉ.सुरेश शर्मा पूर्व सचिव संस्कृत विद्यामण्डलम, खास पहुना मीर अली मीर वरिष्ठ कवि, प्रो.केसरी लाल वर्मा कुलपति पं.रविशंकर विवि, जागेश्वर प्रसाद वरिष्ठ साहित्यकार रहीन।
उंखर पहुनाई संचालक संस्कृति विभाग विवेक आचार्य, सहायक संचालक डॉ.तनुजा बघेल अऊ डॉ.अनिल भतपहरी सचिव राजभाषा आयोग करीन।
ए मउका म जिला समन्वयक डॉ.विवेक तिवारी बिलासपुर,रामेश्वर शर्मा रायपुर, कौशल साहू, अनूप श्रीवास्तव कवर्धा,काशीपुरी कुंदन गरियाबंद,रामानन्द त्रिपाठी बेमेतरा,अजय साहू भाटापारा,आशुतोष दुबे पेंड्रा, डॉ.राघवेंद्र दुबे,अंजनी तिवारी,माणिक विश्वकर्मा नवरंग समेत जम्मो जिला समन्वयक अऊ साहित्यकार मन सकलाय रहीन। ए मउका म राजभाषा के दसा अऊ दिसा उप्पर नेवताय पहुना दादु लाल जोशी, चन्द्रशेखर सिंह, डॉ.जय भारती चन्द्राकर, कुबेर साहू, कौस्तुभ मणि द्विवेदी,सोमनाथ यादव दुआरा चरचा-गोष्ठी करे गइस।
ए मउका म श्रीमती गीता शर्मा दुआरा अनुवादित "पंचतन्त्र' अउ धनेश्वरी सोनी के पुस्तक के विमोचन पहुना मन करीन। ए समारोह ल सफल बनाय बर आयोग के जम्मो अधिकारी अऊ कर्मचारी मन जुटे रहीन।
