छत्तीसगढ़ महिमा आरंग। 11 जून 2022, आरंग विधान सभा क्षेत्र मुख्यालय जनपद पंचायत विकास खंड के ग्राम पंचायत खौली म मुख्य मार्ग तालाब ले लगे तिरंगा चौंक के संगे संग भारतीय संविधान निर्माता बाबा साहब डॉ.भीम राव अंबेडकर के प्रतिमा चौंक के स्थापना ग्राम वासियों के सहयोग ले कराए गए हे।
जेकर संरक्षण रख रखाव स्वच्छता विकास कार्य कराए जाना घलो बहुत जरूरी हवय।
तिरंगा चौंक आऊ डॉ.अंबेडकर के प्रतिमा स्थापना चौंक चबूतरा बहुत पुराना होके आज टूट फुट जर्जर बदहाल हालत म ज्यो के त्यों परे दिखाई देत हे।
जेला सौंदर्यीकरण के संग ऊहा छाया बर छतदार रंगमंच भवन चबूतरा निर्माण कराए के जरूरी मांग गांव के लाईका सियान वार्ड के पंच गण अऊ जन प्रतिनिधि मन आरंग क्षेत्र के विधायक अऊ छत्तीसगढ़ प्रदेश के नगरीय प्रशासन विकास अऊ श्रम विभाग के मंत्री डॉ. शिवकुमार डहरिया ले मांग करे हावय।
जब मंत्री जी हर खौली गांव जन सम्पर्क भ्रमण म आए रहीस त सतनामी समाज के विकास बर समाज के मुखिया मन जरूरी समस्या ले अवगत कराके मांग करे रहिस। जेमा पुराना गली के गुरू घासीदास बाबा जी के गुरूद्वारा भवन गुरुगद्दी जोड़ा जैतखाम के सौंदर्यकरण निर्माण बर राशि स्वीकृत करे रहीस। ओकर द्वारा स्वीकृत डॉ.भीम राव अंबेडकर तिरंगा चौंक के आघू तालाब पार के तीर म 6.50 लाख रुपिया के सामुदायिक भवन निर्माण के काम चलत हे।
ईही जगह म नवीन जोड़ा जैतखाम स्थापना अऊ डॉ. अंबेडकर प्रतिमा के आऊ तिरंगा चौंक के सौंदर्यकरण के संग छायादार चबूतरा रंगमंच भवन निर्माण कराए के जरूरी मांग करे गेहे। साप्ताहिक बाजार चौक म छत्तीसगढ़ के पहिली महिला सांसद ममतामई मिनिमाता जी के प्रतिमा स्थापित सौंदर्यकरण काम के मांग घलो करे हे। जेला समाचार पत्र म जन समस्या विकास ल कराए बर कई बार छाप के क्षेत्रीय विधायक अऊ मंत्री डॉ.शिवकुमार डहरिया ले अवगत करवाय गए हावय।
मंत्री जी हर विकास कार्य कराए ल प्रमुखता देके जल्दी स्वीकृति के भरोसा गांव वाले मन ल देहे गए हे।
येकर ले पहली धान खरीदी केन्द्र के चबूतरा निर्माण कार्य बर 19 लाख रुपया कुछ पैसा के राशि स्वीकृत करे रहीस। जेकर बर सरपंच श्रीमती चमेली धनाजिक चंद्राकर अऊ गांव आस पास के किसान जन प्रतिनिधि गण मन मंत्री जी के प्रति आभार व्यक्त करिन हे।
गांव म ये जरूरी मांग ल घलो धियान दिही स्वीकृति जल्दी करही करके बहुत आशा विश्वास हे।
