न्यू विस्टा लिमिटेड रिसदा म होइस महिला मन के सम्मान।
अनिल जांगड़े संवाददाता छत्तीसगढ़ महिमा बलौदाबाजार। 24 मार्च 2022, न्यू विस्टा लिमिटेड के चीफ मैनुफैक्चरिंग आफिसर अनंत कुमार महोबे अउ यूनिट हेड राजू रामचंद्रन के मार्गदर्शन म कार्पोरेट सामाजिक उत्तरदायित्व के तहत सहयोगी ग्राम रिसदा कुकुरदी, अउ ढनढनी के सर्वांगीण विकास, शिक्षा, स्वास्थ्य, कौशल विकास, पेयजल, स्वच्छता विकास, पर्यावरण, अधोसंरचना, खेल के संग संस्कृति विकास जइसे क्षेत्र म विकासात्मक बुता बराबर कराये जात हे। बीते दिन अन्तर्राष्ट्रीय महिला दिवस म महिला सबली करण के रूप म कार्यक्रम आयोजित कर रिसदा, कुकुरदी, अउ ढनढनी के मितानिन, आंगनबाड़ी कार्यकर्ता, सहायिका अउ सामाजिक क्षेत्र म बुता करइया नारी शक्ति मन के मेमोंटो भेंट कर कंपनी के डहर ले सम्मान करे गिस। कार्यक्रम में मुख्य रूप से महिला एवं बाल विकास से जिला कार्यक्रम अधिकारी श्री कच्छप, पर्यवेक्षक श्रीमती निर्मला वर्मा ग्राम पंचायत रिसदा के जनपद सदस्य अमरसेन खुंटे, सरपंच जितेन्द्र खुंटे, उपसरपंच परेश वैष्णव, महिला मोर्चा जिला महामंत्री श्रीमती कौशिल्या वर्मा, प्रेरक श्रीमती राजेश्वरी बघेल, स्वास्थ्य विभाग से कु प्रमिला जांगड़े, श्रीमती खिलेश्वरी दिवाकर, के अलावा न्यू विस्टा लिमिटेड सीएसआर के सहायक महाप्रबंधक चन्द्रशेखर उपाध्याय अपन सीएसआर टीम के राजेश्वरी साहू, गायत्री वर्मा, मनोज सेन, ममता वर्मा, उषा साहू, मंजूलता, अनिल जांगड़े, सत्यवती, सोनाडीह सीएसआर से प्रशिक्षिका कु कामिनी वर्मा, कु कुसुमलता, के संगे संग प्रशिक्षण केन्द्र के बालिका मन उपस्थित रहिन। मां सरस्वती के पूजा के बाद म चन्द्रशेखर उपाध्याय सहायक महाप्रबंधक ह कार्यक्रम के उद्देश्य अउ सीएसआर विभाग के माध्यम से चलत गतिविधि के बारे म बताइन। उपस्थित वक्ता मन नारी शक्ति के महत्व के बखान करीन। सहायक महाप्रबंधक उपाध्यक्ष आभार के बाद कार्यक्रम के समापन करीन।
